لاہور بار ایسوسی ایشن نے پاکستان تحریک انصاف کے وکلا سے لاتعلقی کا اعلان کردیا۔
سیکریٹری لاہور بار کا کہنا ہے کہ لاہور بار ایسوسی ایشن پروفیشنل وکلاء کی بار ہے جو کسی سیاسی جماعت کی حمایت نہیں کرتی، اگر کوئی وکیل کسی سیاسی جماعت سے تعلق رکھتا ہے تو وہ اس کا ذاتی فعل ہے۔
بیان میں کہا گیا کہ لاہور بار سیاسی طور پر کسی کے قول فعل کی حمایت نہیں کرتی۔ سیاسی الیکشن لڑنے والے وکلاء کے لیے لاہور بار ذمہ دار نہیں ہے۔ لاہور بار کا مقصد وکلاء کی فلاح وبہبود ہے۔
