سانبہ کے مہاراج پور میں 29 سالہ نوجوان کی لاش کھیت سے برآمد

سانبہ/ضلع سانبہ کے مہاراج پور گاؤں میں جمعہ کے روز ایک 29 سالہ نوجوان کی لاش کھیت سے برآمد ہوئی۔حکام کے مطابق مقامی لوگوں نے کھیت میں لاش پڑی دیکھی، جس کے بعد انہوں نے پولیس کو اطلاع دی۔ اطلاع ملتے ہی پولیس کی ایک ٹیم موقع پر پہنچی اور واقعے کی تحقیقات شروع کر دیں۔
پولیس کے مطابق متوفی کی شناخت مہاراج پور کے رہائشی وکی چودھری کے طور پر ہوئی ہے۔پولیس نے معاملے کی تحقیقات شروع کر دی ہیں، جبکہ واقعے سے متعلق مزید تفصیلات کا انتظار ہے۔