بڈگام/بڈگام کے قادی پورہ علاقے میں جمعرات اور جمعہ کی درمیانی شب ایک 21 سالہ نوجوان اپنے گھر میں مردہ حالت میں پایا گیا۔ایک عہدیدار نے بتایا کہ قادی پورہ میں نوجوان اپنے گھر میں بے ہوشی کی حالت میں پایا گیا، جس کے بعد پولیس کو اطلاع دی گئی۔
انہوں نے بتایا کہ اطلاع ملتے ہی پولیس موقع پر پہنچی اور لاش کو اپنی تحویل میں لے لیا۔ متوفی کی شناخت شفاعت حسین ساکن قادی پورہ، بڈگام کے طور پر ہوئی ہے۔عہدیدار کے مطابق ضروری قانونی کارروائی مکمل ہونے کے بعد لاش آخری رسومات کے لیے اہل خانہ کے حوالے کی جائے گی۔پولیس نے واقعے کے حوالے سے تحقیقات شروع کر دی ہیں تاکہ موت کی وجوہات کا پتہ لگایا جا سکے۔
