دبئی پولیس نے موت کی فرانزک رپورٹ جاری کردی
موت کے پیچھے کوئی جرمانہ عمل ہیں تھا، تحقیقاتی ادارہ
دبئی( مانیٹرنگ ڈیسک) بھارتی فلم انڈسٹری کی اداکارہ سری دیوی کی فارنسک رپورٹ اور ڈیتھ سرٹیفکیٹ جاری کردیا گیا ہے۔ فارنسک رپورٹ مین ان کی موت کو حادثہ قرار دیا گیا ہے۔ خلیجی اخبار کے مطابق سری دیوی کی فارنزک رپورٹ میں انکشاف ہوا ہے کہ ان کی موت باتھ ٹب میں ڈوبنے سے ہوئی اور ان کی موت کے پیچھے کوئی مجرمانہ عمل نہیں تھا۔ دبئی پولیس کی رپورٹ میں کہا گیا ہے کہ وہ اپنے ہوٹل میں غسل خانے میں بے ہوش ہونے کے بعد باتھ ٹب میں موجود پانی میں ڈوب کر ہلاک ہوئیں۔ اس سے قبل بتایا گیا تھا کہ1980ء کی دہائی میں بالی ووڈ پر راج کرنے والی سری دیوی سنیچر کی شب دبئی میں ایک شادی کے دوران دل کادورہ پڑنے سے چل بسی تھیں۔ سری دیوی کی ہلاکت کے حوالے سے فرانزک رپورٹ دبئی پولیس نے جاری کی ہے اور یہ رپورٹ ان کے لواحقین اور انڈین قونصل خانے کو فراہم کی گئی ہے۔