راستوں کی ناکہ بندی کرکے تلاشی لی گئی، کسی اہم ملزم کو گرفتار نہیں کیا جاسکا
کراچی (کرائم رپورٹر) آج صبح گلشن اقبال پولیس کا جرائم پیشہ افراد کے خلاف آپریشن۔ تفصیلات کے مطابق گلشن اقبال پولیس نے رحمتیہ کالونی، مدینہ کالونی اور جمالی کالونی میں جرائم پیشہ افراد کی موجودگی کی اطلاع پر علاقے کی گلیوں کا محاصرہ کرکے داخلی و خارجی راستوں کی ناکہ بندی کردی، پولیس نے سرچ آپریشن کے دوران داخلی و خارجی راستوں کو بند کرکے گھر گھر تلاشی کا عمل جاری رکھا تاہم سرچ آپریشن کے دوران کسی اہم ملزم کی گرفتاری عمل میں نہیں لائی جاسکی۔ جبکہ مشترکہ افراد کے کوائف اور بائیو میٹرک کے ذریعے تصدیقی عمل بھی جاری رکھا گیا۔