مصطفی کمال کے دور سے لے کر اب تک جن آبادیوں سے ایم کیو ایم کو ووٹ نہیں ملے ان آبادیوں میں وسیم اختر ٗ نیئر رضا اور چوہدری اسد کو صفائی ستھرائی پر توجہ دینے کی ہدایت
وزیراعلیٰ سندھ ایم کیو ایم کے میئر اور چیئرمین ضلع کورنگی کا پیدا کردہ مصنوعی بحران پھانپ گئے ٗ نیئر رضا اور چوہدری اسد اپنے علاقوں میں عوامی مسائل حل کریںعوامی حلقے ٗ مراد علی شاہ کی زیر صدارت اجلاس
کراچی (اسٹاف رپورٹر) وزیراعلیٰ سندھ سید مراد علی شاہ کی زیر صدارت اجلاس کی اندرونی کہانی سامنے آگئی، اجلاس میں ایم کیو ایم کے میئر کراچی وسیم اختر، پیپلز پارٹی کے لگائے ہوئے کمشنر کراچی افتخار شلوانی، چیئرمین ڈی ایم سیز اور میونسپل کمشنرز نے شرکت کی۔ ایم کیو ایم سے تعلق رکھنے والے ڈی ایم سی ضلع کورنگی کے چیئرمین نیر رضا وزیراعلیٰ سندھ سے مطالبات منوانے میں ناکام ہوگئے۔ مصطفی کمال کے دور سے لے کر اب تک جن آبادیوں سے ایم کیو ایم کو ووٹ نہیں ملا ان آبادیوں کو تعصب کا نشانہ بنانے والے ایم کیو ایم کے میئر اور ڈی ایم سی کورنگی کے چیئرمین کی وزیراعلیٰ نے ایک نہ سنی۔ نیر رضا نے گرین ٹائون، گولڈن ٹائون، ملت ٹائون، عظیم پورہ، موریہ خان گوٹھ، عبداللہ گوٹھ، ناتھا خان گوٹھ اور دیگر یوسیز میں صفائی ستھرائی میں ناکامی چھپانے کے لیے مراد علی شاہ کے سامنے مطالبات کا پلندا رکھ دیا، وزیراعلیٰ ایم کیو ایم کے میئر اور چیئرمین ضلع کورنگی کا پیدا کردہ مصنوعی بحران بھانپ گئے۔ وزیراعلیٰ نے وسیم اختر اور نیر رضا سمیت تمام اضلاع کے چیئرمینوں کو صفائی ستھرائی پر توجہ دینے کی ہدایت کی۔ عوامی حلقوں کا کہنا ہے کہ نیر رضا اور چیئرمین یو سی 12 چوہدری اسد اپنے علاقوں میں صفائی ستھرائی، گلیوں کی مرمت اور اسٹریٹ لائٹس فراہم کرنے میں ناکامی چھپانے کے بجائے عوامی مسائل حل کریں۔