نکاح کی تقریب سادگی کے ساتھ رشتے داروں اور دوستوں کی موجودگی میں ہوئی
وہ اداکاری کے سفر کے ساتھ ساتھ اب زندگی کے ایک نئے سفر پر چل پڑے ہیں
کراچی (کلچرل ڈیسک)معروف اداکار حمزہ علی عباسی اور اداکارہ نمل خاور رشتہ ازدواج میں منسلک ہوگئے ہیں۔اداکاری اور اینکر کے شعبے میں مقبول حمزہ عباسی نے زندگی کے نئے سفر کا آغاز کردیا ہے ،نکاح کی تقریب کے بعد سوشل میڈیا پر شادی کی تصاویر زیر گردش رہیں۔حمزہ عباسی نے ادکارہ نمل خان سے شادی کا اعلان چند روزہ قبل کیا تھا ،وہ آج شادی کے بندھن میں بندھ گئے۔انڈسٹری سے وابستہ دونوں فنکاروں نے شادی کی تقریب انتہائی سادگی سے منائی ،جس میں حمزہ اور نمل کی فیملیز کے ساتھ دوستوں نے شرکت کی۔ذرائع کے مطابق دونوں ہی اداکاروں نے اپنی شادی میں مہندی اور ڈھولکی جیسی فرسودہ رسومات منانے سے انکار کیا تھا ،اس لیے نکاح کی تقریب ہی سادہ اور پرتکلف رہی۔جوڑے نے شادی کا سادہ لباس زیب تن کیا ہوا تھا ،حمزہ علی عباسی اور نمل خاور کی تقریب ولیمہ کل منعقد کی جائے گی۔