اسلام آباد (مانیٹرنگ ڈیسک) وزارت توانائی نے بجلی مہنگی کرنے کا نوٹیفکیشن جاری کردیا جس کے مطابق ماہانہ 300 یونٹ سے زیادہ بجلی استعمال کرنے والے صارفین کے لیے بجلی 53 پیسے فی یونٹ مہنگی کردی گئی۔ لائف لائن صارفین، ماہانہ 300 یونٹ تک گھریلو صارفین کے لیے بجلی کی قیمت نہیں بڑھائی گئی، بجلی کی قیمت میں اضافے کا اطلاق کے الیکٹرک کے صارفین پر نہیں ہوگا۔ بجلی صارفین پر سالانہ 53 ارب روپے کا اضافی بوجھ پڑے گا بجلی کی قیمت میں اضافہ نیپرا سے منظوری کے بعد کیا گیا۔ بجلی کی قیمت میں اضافے کا اطلاق گزشتہ رات سے ہوگیا ہے بجلی کی قیمت ایک سال کے لیے بڑھائی گئی ہے۔ نیپرا نے گزشتہ مالی سال کی ایڈجسٹمنٹ، ڈسٹری بیوشن مارجن کے تحت بجلی مہنگی کرنے کی منظوری دی۔
