اسلام آباد (مانیٹرنگ ڈیسک) وزیراعظم عمران خان کے دورہ چین کو حتمی شکل دے دی گئی، وہ 4 روزہ دورہ پر پیر کی رات بیجنگ روانہ ہوں گے۔ وزیرخارجہ شاہ محمود قریشی، وزیر ریلوے شیخ رشید، وزیر منصوبہ بندی، ترقی و اصلاحات خسرو بختیار اور مشیر خزانہ عبدالحفیظ شیخ بھی ان کے ہمراہ ہوں گے۔ وزیراعظم کی چین میں سی پیک اور ایم ایل ون سمیت دیگر منصوبوں پر چینی حکام سے ملاقاتیں ہوں گی عمران خان چینی قیادت سے مسئلہ کشمیر پر بھی بات کریں گے جبکہ پاک چین جوائنٹ کوآرڈی نیشن کمیٹی کے معاملات بھی زیر غور آئیں گے۔