سستے مکانات کی ہائوسنگ اسکیم میں سرمایہ کاری کرنے والوں کو مراعات دی جائیں گی
کراچی(نیوز ڈیسک) وفاقی حکومت نے تعمیراتی شعبے کی سرگرمیاں بڑھانے کی غرض سے فکسڈ ٹیکس اسکیم متعارف کرانے کا پلان مرتب کرلیا ہے۔ ذرائع نے بتایا کہ وفاقی حکومت نے تعمیراتی شعبے کیلئے مجوزہ فیکسڈ ٹیکس اسکیم کا مسودہ بھی مرتب کرلیا ہے اور ساتھ ہی تعمیراتی شعبے کی ترقی کیلئے اصلاحات پیکیج بھی تیار کیا ہے۔ ذرائع نے بتایا کہ تمام اسٹیک ہولڈرز سے مشاورت کے بعد فکسڈ ٹیکس کی شرح کا تعین کیا جائیگا۔ سستے مکانات کی ہائوسنگ اسکیم میں سرمایہ کاری کرنے والوں کو مراعات دی جائینگی۔ ذرائع نے بتایا کہ ایف بی آر اور وزارت خزانہ نے مشترکہ طور پر تعمیراتی شعبے کیلئے مجوزہ فکسڈ ٹیکس پلان تیار کیا ہے۔
