حکومت ماربل سے وابستہ لوگوں کے مسائل حل کرنے کیلئے جامع حکمت عملی اختیار کرے
لاکھوں لوگوں کے بے روزگار ہونے کا خدشہ ہے، چیئرمین آل پاکستان ماربل انڈسٹریز
کراچی(کامرس رپورٹر)آل پاکستان ماربل انڈسٹریز ایسوسی ایشن کے چیئر مین نعمان باقی صدیقی نے کہا کہ FBRنے کنسٹرکشن انڈسٹری کے لیے فکس ٹیکس اسکیم متعارف کروائی ہے اسی طرح تعمیرات سے وابستہ صنعت کو بھی فکس ٹیکس اسکیم میں لایا جائے جس میں ماربل اور گرینائٹ کی صنعت اہم کردار ادا کرتی ہے ماربل کا فکس ٹیکس سسٹم بحال کیا جائے جس سے ریونیو میں اضافہ اور ڈاکومنٹیشن کی شرط بھی پوری ہونے کا امکان ہے، دوسری صورت میں لاکھوں لوگوں کے بے روزگار ہونے کا خدشہ ہے جو ملک کے پسماندہ علاقوں سے مزدوری کے لیے آتے ہیں، ماربل انڈسٹریز سے وابستہ لوگ مسائل میں گہرے ہوئے ہیں ان مسائل کو حل کرنے کے لیے حکومت سنجیدگی سے جامعہ حکمت عملی اختیار کرے ، انہوں نے کہا کہ فکس ٹیکس اسکیم سے ماربل انڈسٹریز میں جو بے چینی پھیلی ہوئی ہے وہ دور ہوجائے گی اپنی انڈسٹری کو مضبوط کرنے اور اس کے درپیش مسائل کو حل کرنے کے لیے ہرممکن کوشش کرینگے۔