کراچی (اسٹاف رپورٹر) سندھ حکومت کی جانب سے بچت بازاروں کی بندش کے خلاف گلشن حدید جمعہ بازار کے قریب اسٹال ہولڈرز کی جانب سے احتجاج کیا گیا، احتجاج میں شریک اسٹال ہولڈرز کا کہنا تھا کہ مہنگائی میں مزدوروں کا ذریعہ معاش چھینا جارہا ہے حکومت ایک کروڑ نوکریاں تو نہ دے سکی لیکن عوام کو بے روزگار ضرور کر رہی ہے۔ سندھ حکومت نے اپنی نااہلی چھپانے کے لیے مزدور کے منہ سے نوالہ تک چھین لیا ہے، مظاہرین کا کہنا تھا کہ صفائی مہم کے نام پر بچت بازاروں کی بندش سمجھ سے بالاتر ہے۔