لاہور( مانیٹرنگ ڈیسک) انگلش لیگ اسپنر عادل رشید کہتے ہیں کہ انشاء اللہ انگلینڈ کی ٹیم جلد اور ضرور پاکستان کا دورہ کریگی‘ پاکستان میں بین الاقوامی کرکٹ بحال ہونی چاہئے۔ سری لنکن ٹیم کا دورہ خوش آئند ہے۔ تفصیلات کے مطابق انگلش لیگ اسپنر عادل رشید نے پاکستان میں بین الاقوامی کرکٹ کی بحالی کیلئے کی جانیوالی کوششوں کوسراہا ہے۔ ان کا کہنا تھا کہ پاکستان میں حالات بہتر ہوئے ہیں اس لئے یہاں اب بین الاقوامی کرکٹ بحال ہونی چاہئے۔ انہوں نے عالمی کرکٹ کی بحالی کے سلسلے میں سری لنکن ٹیم کے دورہ پاکستان کی تعریف کی ہے جبکہ ان کا کہنا ہے کہ انشاء اللہ انگلینڈ کی ٹیم بھی پاکستان کا ضرور دورہ کریگی۔