وزیرِ سائنس و ٹیکنالوجی فواد چوہدری نے کہا ہے کہ احتساب پر ڈیل ہو گی نہ ہی کوئی شہر بند ہو گا۔ نجی ٹی وی کی رپورٹ کے مطابق سماجی رابطے کی ویب سائٹ ٹوئٹر پر اپنے بیان میں وزیرِ سائنس اینڈ ٹیکنالوجی فواد چوہدری نے کہا ہے کہ مولانا فضل الرحمٰن کے احتجاج کے حوالے سے پالیسی واضح ہے۔
انہوں نے مزید کہا کہ احتجاج سیاسی حق ہے، اگر آئین اور سپریم کوٹ کے فیصلوں کے مطابق چلیں تو احتجاج پر کوئی اعتراض نہیں ہے۔ فواد چوہدری نے یہ بھی کہا کہ حکومت مذاکرات بھی کرے گی، ہاں مدرسے کے بچوں کو چارے کے طور پر استعمال نہیں ہونے دیں گے اور نہ ہی احتساب پر ڈیل ہو گی، نہ ہی کوئی شہر بند ہو گا۔