بیجنگ (مانیٹرنگ ڈیسک) بٹ کوئن اور فیس بک کی جانب سے ڈیجیٹل کرنسی لبرا کے اجرا کے اعلان کے بعد چین نے بھی اپنی ڈیجیٹل کرنسی متعارف کرانے کی تیاری مکمل کرلی، اقتصادی ماہرین کے مطابق چینی ڈیجیٹل کرنسی دیگر کرپٹو کرنسیوں کی طرح آزاد نہیں ہوگی، اسے استعمال میں لانے والے صارفین کی منی ٹریل کوئی حاصل نہیں کرسکے گا۔ ان کا کہنا تھا کہ چین کے نقد خریداری نظام کو سختی سے نافذ رکھا جائے گا جس کی ذمہ داری مرکزی بینک کے پاس ہوگی۔ اس سے ملک بھر میں رقوم کے لین دین کے بارے میں جاننے کے لیے چینی حکام کو وسیع پیمانے پر رسائی حاصل ہوگی۔