سول اسپتال سے ریلی کی شکل میں کراچی پریس کلب پہنچ کر احتجاج کیا جائے گا
کراچی (اسٹاف رپورٹر) ینگ ڈاکٹرز ایسوسی ایشن کے زیراہتمام پیر 28 اکتوبر دوپہر 2 بجے شہید بے نظیر بھٹو ٹراما سینٹر نزد سول اسپتال سے پی ایم ڈی سی کی تحلیل اور اس قسم کے سرکاری اقدامات کے خلاف پیدل مارچ کا آغاز ہوگا، شرکاء پیدل مارچ کرتے ہوئے ڈائو میڈیکل کالج پہنچیں گے جہاں سے ڈائو یونیورسٹی کے طلبہ بھی اس میں شریک ہو جائیں گے۔ یہ مارچ ریلی کی صورت میں کراچی پریس کلب پہنچے گا جہاں مظاہرہ کیا جائے گا جس میں مقررین سرکاری اقدامات کے خلاف اپنے خدشات، تحفظات اور آئندہ کے احتجاجی لائحہ عمل کا اعلان کریں گے۔