گھوٹکی( مانیٹرنگ ڈیسک) جے یو آئی (ف) کے سربراہ مولانا فضل الرحمن نے سندھ میں سکھر ملتان موٹر وے پر سفر کے دوران گھوٹکی میں اپنی گاڑی کا ٹول ٹیکس ادا کیا۔ تفصیلات کے مطابق کراچی سے شروع ہونیوالے آزادی مارچ میں ہزاروں گاڑیاں شامل ہیں۔ کراچی سے لے کر سندھ کی حدود میں کراچی حیدر آباد موٹر وے اور حیدر آباد سے سکھر اور سکھر سے اوباڑو تک مارچ میں شامل گاڑیوں کو کسی نے بھی ٹول ٹیکس ادا کرنے کیلئے نہیں روکا۔ تاہم گزشتہ روز آزادی مارچ کا قافلہ جیسے ہی گھوٹکی پہنچا تو جے یو آئی (ف) کے سربراہ مولانا فضل الرحمن نے ڈرائیور کو اپنی گاڑی روکنے کو کہا اور انہوں نے اپنی گاڑی کا ٹول ٹیکس ادا کیا۔