کراچی (اسٹاف رپورٹر) این ٹی ایس ٹیسٹ پاس اساتذہ نے سندھ حکومت کی یقین دہانی پر احتجاج ختم کر دیا۔ منگل کو این ٹی ایس ٹیسٹ پاس اساتذہ نے اپنی عدم مستقلی پر کراچی پریس کلب کے باہر احتجاج کیا، احتجاجی اساتذہ نے پریس کلب سے آگے بڑھ کر سندھ اسمبلی کا رخ کیا تو پولیس حرکت میں آگئی اور احتجاجی اساتذہ اور پولیس کے درمیان تلخ کلامی ہوئی اس دوران اساتذہ کی پیش قدمی کو روکنے کی کوشش کی گئی، بعدازاں کمشنر ہائوس سے ایک وفد نے سعید غنی سے مذاکرات کرکے یقین دلایا کہ اسمبلی میں ترمیمی بل پیش کیا جائے گا۔