سان تیاگو (انٹرنیشنل ڈیسک) چلی میں میٹرو کے کرائے میں اضافے کے خلاف 6 اکتوبر یسے شروع ہونے والے حکومت مخالف مظاہرے شدت اختیار کرگئے ہیں جس کے بعد احتجاج ملک بھر میں پھیل گیا۔ ذرائع ابلاغ کے مطابق مختلف شہروں میں عوام صدر سباستیان کی حکومت کے خلاف احتجاج کررہے ہیں۔ اس حوالے سے گزشتہ روز دارالحکومت سان تیاگو میں ہزاروں افراد اٹلی چوک پر جمع ہوئے جہاں پولیس نے انہیں منتشر کرنے کی کوشش کی جس کے نتیجے میں ہونے والی جھڑپوں میں کئی افراد زخمی ہوئے۔