کراچی(اسٹاف رپورٹر) سندھ ہائی کورٹ نے پولیس مقابلہ اور غیر قانونی اسلحہ رکھنے کے جرم میں سزا کیخلاف اپیل مسترد کردی۔ جسٹس کے کے آغا اور جسٹس ذوالفقار علی سانگی پر مشتمل دو رکنی بنچ نے پولیس مقابلہ اور غیر قانونی اسلحہ رکھنے کے جرم میں جرم کی سزا کیخلاف اپیل پر فیصلہ سنادیا۔ عدالت نے اپیل مسترد کرتے ہوئے مجرم غلام شبیر عرف پپی کی سزا برقرار رکھنے کا حکم دیدیا۔ انسدادد ہشت گردی کی خصوصی عدالت نے مجموعی طور پر مجرم کو دس سال قید کی سزا سنائی تھی۔