لاپاز (انٹرنیشنل ڈیسک) بولیویا کے دارالحکومت لاپاز میں پھر مظاہرے شروع ہوگئے، جن میں اب تک 9 افراد ہلاک اور سیکڑوں زخمی ہو چکے ہیں۔ مظاہروں کی اس تازہ لہر میں شامل افراد ایوو موریلس کی وطن واپسی اور بطور صدر بحالی کا مطالبہ کر رہے ہیں۔ واضح رہے کہ کئی ہفتوں سے جاری پُرتشدد عوامی مظاہروں کے بعد صدر موریلسنے گزشتہ ہفتے ملکی فوج کے دباؤ پر عہدہ چھوڑ دیا تھا اور میکسیکو میں سیاسی پناہ حاصل کر رکھی ہے۔