لندن (آئی این پی) سابق وزیر خزانہ اسحاق ڈار نے کہا ہے کہ نواز شریف نے کسی بھی اصول پر سمجھوتا نہیں کیا، نواز شریف نے حکومت کے ساتھ کسی بھی قسم کی کوئی ڈیل نہیں کی، نواز شریف ڈیل پر یقین نہیں رکھتے۔ ڈیل کے حوالے سے افواہیں پھیلانے سے گریز کرنا چاہیے، نواز شریف کو پیچیدہ طبی مسائل کا سامنا ہے سابق وزیر خزانہ نے ایک انٹرویو میں کہا کہ نواز شریف کا مورال ہائی ہے اور وہ پرامید ہیں کہ وہ جلد صحتیاب ہو جائیں گے۔ میری نواز شریف کے ڈاکٹروں کے ساتھ گفتگو ہوئی جن کا یہ کہنا ہے کہ نواز شریف کو صحت کے مشکل مسائل کا سامنا ہے۔