کراچی ( اسٹاف رپورٹر) صوبائی سیکریٹری خوراک نے کہا ہے کہ کراچی میں آٹے کی قیمت پر قابو پالیا گیا ہے، یہ بات انھوں نے چیف سیکریٹری سندھ سید ممتاز علی شاہ کی زیر صدارت پرائس کنٹرول کے اہم اجلاس میں بتائی ،اجلاس میں چیف سیکر یٹری سندھ حکومت نے ذخیرہ اندوزی کے خلاف بھر پور کاروائی کا فیصلہ کرتے ہوئے صوبے میں موجود گودام اور مال خانوں کی انسپکشن کا حکم دے دیا ، اجلاس میں صوبے کے تمام ڈویژنل کمشنرز ، ڈپٹی کمشنر اور متعلقہ افسران نے شرکت کی۔