’پلان بی‘ میں مزید شدت دیکھنے میں آسکتی ہے‘ اپنے مؤقف پرقائم‘ احتجاج ہمارا جمہوری حق ہے
کہیں پر بھی کارکنوں کی گرفتاری نہیں ہوئی تاہم اگرایسا ہوا تو حالات خرابی کی ذمے دار حکومت ہوگی
مالاکنڈ (مانیٹرنگ ڈیسک)خیبرپختونخوا میں جمعیت علمائے اسلام (ف) کے امیراور مولانا فضل الرحمن کے بھائی سینیٹر مولانا عطاالرحمن نے کہا ہے کہ ان کی پارٹی کے’پلان بی‘ میں مزید شدت دیکھنے میں آسکتی ہے۔مالاکنڈ میں میڈیا سے گفتگو کرتے ہوئے انہوں نے کہا کہ ہم اپنے مؤقف پرقائم ہیں، احتجاج ہمارا جمہوری حق ہے اور حکومت کے جانے تک یہ جاری رہے گا۔سینیٹر مولانا عطاالرحمن نے حکومتی مذاکراتی کمیٹی کو بے اختیار قرار دیتے ہوئے کہا کہا معاون خصوصی برائے اطلاعات فردوس عاشق اعوان کی کیا حیثیتہے؟ ان میں ہمت ہے تو جی ٹی روڈ سے گزریں۔انہوں نے مزید کہا کہ کہیں پر بھی کارکنوں کی گرفتاری نہیں ہوئی تاہم اگرایسا ہوا تو حالات خرابی کی ذمے دار حکومت ہوگی۔
