تیمر گرہ (آن لائن) تیمر گرہ کے نواحی علاقے میں ڈاٹسن کھائی میں گرنے سے 3 افراد جاں بحق، 3 شدید زخمی ہوگئے۔ تیمر گرہ پولیس کے مطابق تیمرگرہ سے سیار درہ جانے والی ڈاٹسن پنو کے مقام پر گہری کھائی میں گرنے سے اقبال ولد محمد حیات، ایک خاتون زوجہ کبیر خان اور ایک سالہ بچی دعا جاں بحق جبکہ 3 افراد شیراز ولد شیر علی، زوجہ شیر علی اور مرتضیٰ ولد حیات خان ساکن شمشی خان تالاش شدید زخمی ہوگئے تمام افراد شادی میں شرکت کے لیے جارہے تھے۔