ڈھاکا (اے پی پی) بنگلا دیش کے جنوب مشرقی حصے میں گیس کی ایک پائپ لائن پھٹنے سے کم از کم 7 افراد ہلاک اور25 دیگر زخمی ہو گئے۔ مقامی پولیس کے سربراہ محمد محسن نے بتایا کہ پائپ لائن میں دھماکا چٹاگانگ ضلع کے پتھرگھاٹا نامی علاقے میں ہوا جس میں7 افراد ہلاک اور 25 زخمی ہو گئے۔ اتوار کی سہ پہر تک آگ بجھانے والے محکمے کے کارکن امدادی سرگرمیوں میں مصروف رہے۔فوری طور پر دھماکے کی وجوہات معلوم نہیں ہوسکیں۔