میئر کراچی کی ہدایت پر سینئر ڈائریکٹر بشیر صدیقی نے تاجروں سے مذاکرات کے دوران مسائل کے حل کی یقین دہانی کرادی
کراچی(اسٹاف رپورٹر) میئر کراچی وسیم اختر کی یقین دہانی پر لائٹ ہائوس لنڈا بازار کے متاثرین کا احتجاج ختم‘ تفصیلات کے مطابق میئر کراچی وسیم اختر کی ہدایت پر محکمہ انسداد تجاوزات کے سینئر ڈائریکٹر بشیر صدیقی نے بلدیہ عظمیٰ کراچی کے صدر دفتر کے سامنے احتجاج کرنے والے تاجروں سے مذاکرات کئے اور لائٹ ہائوس لنڈا بازار کے تاجر رہنما حکیم شاہ سے بات چیت کرتے ہوئے یقین دہانی کرائی ہے کہ میئرکراچی وسیم اختر سے ملاقات میں تاجروں کے مسائل سامنے رکھیں گے جس کی روشنی میں لائحہ عمل طے کیا جائے گا اس یقین دہانی کے بعد تاجروں نے احتجاج ختم کرنے کا اعلان کردیا۔