نئی دہلی (نیٹ نیوز) چھتیس گڑھ کے جیش پور ضلع میں ایک 23 سالہ خاتون کو اپنے ساتھ زیادتی کی پولیس میں شکایت درج کروانے پر جرمانے کا سامنا کرنا پڑا ہے، جیش پور کے ایک گائوں کے عمائدین کی طرف سے خاتون کو 5 ہزار روپے جرمانہ کیا گیا کیونکہ اس نے اپنے ساتھ ہونے والی جنسی زیادتی کی شکایت کے لیے پولیس سے رجوع کرکے مبینہ طور پر اپنے گائوں کو بدنام کیا۔ بھارتی میڈیا کے مطابق جیش پور نگر میں اس خاتون کو دو نوجوانوں نے اس وقت زیادتی کا نشانہ بنایا جب وہ ہمسایہ گائوں میں اپنے رشتہ داروں سے ملنے جارہی تھی۔