پی ٹی آئی ارکان اسمبلی نے شہر کی ترقی کیلئے کچھ نہ کیا تو وہ بھی دوبارہ منتخب نہیں ہوسکیں گے، بزنس مین گروپ
کراچی (اسٹاف رپورٹر) بزنس مین گروپ کے چیئرمین سراج قاسم تیلی نے کہا ہے کہ کراچی سے منتخب ہونے والے پی ٹی آئی کے ارکان اسمبلی اگر اس شہر کی ترقی میں ناکام رہے تو شہر کے باسی آئندہ انہیں دوبارہ منتخب نہیں کریں گے۔ یہ بات انہوں نے بدھ کو سائٹ ایسوسی ایشن آف انڈسٹری میں گورنر سندھ کی تقریب سے خطاب کے دوران کیا۔ سراج قاسم تیلی نے کہاکہ ایم کیو ایم اب جتنے بھی انداز تبدیل کرلے کراچی والے اب انہیں دوبارہ منتخب نہیں کروانا چاہتے۔ تقریب سے خطاب کرتے ہوئے زبیر موتی والا نے کہاکہ کراچی کی 54 فیصد برآمدات میں سائٹ کی صنعتوں کا حصہ 30 فیصد ہے۔ انہوں نے کہاکہ برآمدات میں زائد حصے کے باوجود سائٹ کی سڑکیں تباہ حال ہیں، سائٹ میں 15 سال سے ایفولمینٹ ٹریٹمنٹ پلانٹ کی ناکام کوششیں کی جارہی ہیں۔