کراچی(اسٹاف رپورٹر) ملکی تاریخ میں پہلی بار ٹائیفائیڈ مہم سندھ بھر میں آج سے شروع ہورہی ہے ۔ مہم30 نومبر تک جاری رہے گی۔ مہم کے دوران9 ماہ سے لے کر15 سال تک کے ایک کروڑ بچوں کو ٹائیفائیڈ سے بچائو کے ٹیکے لگائے جائینگے۔ محکمہ صحت اور شہری انتظامیہ نے اس حوالے سے انتظامات مکمل کرلئے ہیں۔ حکومت کی درخواست پر عالمی ادارہ صحت نے ویکسین تیار کی ہے جو مہم میں مفت لگائی جائیگی۔ اس ویکسین کے ذریعے بچوں میں قوت مدافعت بڑھے گی۔
