شمال کی جانب سے ہوائیں چلنے کے باعث کراچی میں آج درجہ حرارت گرنے کے امکان ہے، چیف میٹرولوجسٹ
کراچی (اسٹاف رپورٹر) شمال کی جانب سے ہوائیں چلنے کے باعث کراچی میں آج سے مزید ٹھنڈ میں اضافہ ہو جائے گا جبکہ 27 نومبر سے ٹھنڈ میں مزید اضافہ ہو جائے گا۔ محکمہ موسمیات کے مطابق شمال مشرق سے چلنے والی ہوائوں کے باعث شہر قائد میں سردی میں اضافہ ہونے کا امکان ہے۔ محکمہ موسمیات کراچی کے چیف میٹرولوجسٹ سردار سرفراز نے بات چیت کرتے ہوئے بتایا کہ اتوار کی صبح سے ہوا چلنے کا سلسلہ شروع ہوا، تاہم اس کے باوجود درجہ حرارت 20 سینٹی گریڈ تک رہا، تاہم آج پیر سے درجہ حرارت مزید گرنے کا امکان ہے اور شمال سے چلنے والی ہوائوں کے باعث درجہ حرارت 17 سے 18 ڈگری تک جانے کا امکان ہے اور شمال سے چلنے والی ہوائوں کے باعث سردی میں اضافہ ہوگا اور 27 نومبر سے ٹھنڈ میں اضافہ ہو جائے گا، جبکہ اس دوران صبح اور رات میں خنکی برقرار رہے گی۔