صحت انصاف کارڈ سے ایک خاندان 7 لاکھ 20 ہزار تک کا مفت اور بہترین علاج کراسکتا ہے
سابق نااہل وزیراعظم کے علاج پر خرچے کا بوجھ سرکاری خزانے پر پڑا ہے‘وفاقی وزیر برائے مواصلات
اسلام آباد(مانیٹرنگ دیسک)وفاقی وزیر برائے مواصلات مراد سعید نے کہا ہے کہ نوازشریف نے لندن علاج کے ایک دورے پر قوم کے 34 کروڑ روپے خرچ کیے،۔تفصیلات کے مطابق وفاقی وزیر مراد سعید نے سماجی رابطے کی ویب سائٹ ٹویٹر پر کہا ہے کہ سابق نااہل وزیراعظم کے علاج پر خرچے کا بوجھ سرکاری خزانے پر پڑا ہے۔مراد سعید نے لکھا کہ ’دو نہیں ایک پاکستان، ہم سب کا پاکستان۔‘ کپتان آیا تو ہر پاکستانی کے لیے صحت انصاف کارڈ کا آغاز کیا۔انہوں نے کہا کہ صحت انصاف کارڈ سے ایک خاندان 7 لاکھ 20 ہزار تک کا مفت اور بہترین علاج کراسکتا ہے، کپتان کا احساس صحت پروگرام ذمہ داری کا عملی مظاہرہ ہے۔