کراچی (مانیٹرنگ ڈیسک) پیپلز پارٹی کے چیئرمین بلاول بھٹو زرداری کی پمز آمد، اسپتال میں زیر علاج اپنے والد آصف علی زرداری سے ملاقات کی۔ پیپلز پارٹی کے رہنما قمر زمان کائرہ اور چوہدری منظور بھی ان کے ہمراہ تھے۔ ذرائع کے مطابق ملاقات میں بلاول بھٹو نے سابق صدر کی صحت سمیت ملکی سیاسی صورتحال پر تبادلہ خیال کیا۔ بعدازاں اسپتال کے باہر میڈیا سے گفتگو میں قمر زمان کائرہ نے کہاکہ سابق صدر نے اس عزم کا اظہار کیا ہے کہ ریاستی ہتھکنڈوں کا پہلے بھی مقابلہ کیا، اب بھی کر رہا ہوں۔