ملاکنڈ (جسارت نیوز)ممبرصوبائی اسمبلی پیر مصور خان غازی نے کہا ہے کہ پی ٹی آئی کی حکومت تعلیم کیساتھ ساتھ نوجوانوں کے کھیل کود پر خصوصی توجہ دے رہی ہے ۔ موجودہ حکومت نے این ٹی ایس اور ایٹا ٹیسٹ کے ذریعے ہزاروں آساتذہ میرٹ پر بھرتی کئے ہیں ۔ حکومت سرکاری تعلیمی اداروں کو سہولیات دے رہی ہے جس کی وجہ سے سرکاری سکولز کا معیار بلند ہو گیا اور لوگوں کا سرکاری سکولز پر اعتماد بڑھ گیا ہے۔ان خیالات کا اظہار انہوں نے گورنمنٹ مڈل سکول غاور کلے میں مڈ ل سکولز ٹورنامنٹ کے فائنل ڈے کے موقع پر ایک پُر وقار تقریب سے بحیثیت مہمان خصوصی خطاب کرتے ہوئے کیا۔