عمران خان قوم کو اعتماد میں لیں گے
موجودہ صورتحال کے حوالے سے اہم خطاب ہوگا
اسلام آباد (مانیٹرنگ ڈیسک) وزیراعظم عمران خان کے قوم سے خطاب کا امکان ہے، خطاب کے دوران قوم کو اعتماد میں لیا جائے گا۔ ذرائع کے مطابق گزشتہ روز عدالت عظمیٰ کی جانب سے آرمی چیف جنرل قمر جاوید باجوہ کی مدت ملازمت میں توسیع کا نوٹیفکیشن معطل کر دیا گیا تھا جس کی سماعت بھی ہوئی، اس دوران سپریم کورٹ کے اعتراضات سامنے آئے۔ عدالت نے سماعت کے دوران حکومت کو مہلت دی کہ حکومت مسئلہ کا حل آج تک نکالے ورنہ آئینی ذمہ داری پوری کریں گے۔ ذرائع کا کہنا ہے کہ وزیراعظم نے موجودہ صورتحال میں قوم کو اعتماد میں لینے کا فیصلہ کیا ہے اور جلد قوم سے خطاب کریں گے۔