کراچی (اسٹاف رپورٹر)قائداعظم ٹرافی فرسٹ الیون ٹورنامنٹ کے میچ میں ضابطہ اخلاق کی خلاف ورزی کرنے پرناردرن کے کرکٹر سہیل تنویر کو تنبیہ جاری کردی گئی۔ سہیل تنویر کو یو بی ایل اسپورٹس کمپلیکس کراچی میں بلوچستان کے خلاف 9ویںراؤنڈ کے میچ میں کھیل کے سامان کی توہین کرنے سے متعلق لیول 1 جرم کا مرتکب پایا گیا ۔میچ کے دوران بلوچستان کی دوسری اننگز میں بولنگ کے دوران ناردرن کے سہیل تنویرکووکٹ حاصل نہ کرنے پر مایوسی میں گیند کو کک مار ی تھی۔