ایوان میں حکومت کے پاس بہت کم اکثریت ہے، اپوزیشن کے ساتھ روابط بھی سب کے سامنے ہیں
اسلام آباد (مانیٹرنگ ڈیسک)آئینی ماہر اورپی پی رہنما اعتزاز احسن نے کہاہے حکومت ایوان سے آئینی ترمیم نہیں کرواسکے گی۔ایک ٹی وی انٹرویو میں اعتزاز احسن نے کہا عمران خان کی حکومت اتنی نا اہل ہے کہ اب اس کوکیا کہیں ؟ ان کیلئے دوتہائی اکثریت کیساتھ ایوان سے آئینی ترمیم کروانا ناممکن ہوگا۔انہوں نے کہا حکومت کے پاس ایوان میں بہت کم اکثریت ہے اور اپوزیشن کیساتھ روابط بھی سب کے سامنے ہیں اس لئے یہ ناممکن ہے کہ حکومت آرمی چیف کے تقرر و توسیع کے حوالے سے کوئی آئینی ترمیم پارلیمنٹ سے دو تہائی اکثریت سے منظور کرواسکے۔
