اسلام آباد (مانیٹرنگ ڈیسک) یمن میں برسرپیکار حوثی باغیوں نے دعویٰ کیا ہے کہ انہوں نے زمین سے فضا میں مار کرنے والے میزائل کی مدد سے سعودی عرب کا اپاچی ہیلی کاپٹر مار گرایا ہے جس کے نتیجے میں دونوں سعودی پائلٹ بھی جاں بحق ہوگئے ہیں۔ تفصیلات کے مطابق حوثی باغیوں کے ترجمان یحییٰ ساربہ نے اپنے سوشل میڈیا اکائونٹ کے ذریعے بتایا ہے کہ سعودی عرب کا اپاچی ہیلی کاپٹر سرحدی علاقے عصیر کے علاقے مجازہ کے قریب زمین سے فضا میں مار کرنے والے میزائل کی مدد سے گرایا، ہیلی کاپٹر مکمل طور پر جل گیا۔