اسلام آباد(مانیٹرنگ ڈیسک)کراچی میں پولیس اہلکاروں کی فائرنگ سے جاں بحق ہونے والے نوجوان نقیب اللہ محسود کے والد محمد خان انتقال کر گئے۔ آرمی چیف کا اظہار تعزیت۔خاندانی ذرائع کے مطابق نقیب اللہ محسود کے والد محمد خان کینسرکے عارضے میں مبتلا تھے اور کچھ عرصہ سے راولپنڈی کے ہسپتال میں زیر علاج تھے۔آئی ایس پی آر کے مطابق آرمی چیف جنرل قمر جاوید باجوہ نے مقتول نقیب اللہ محسود کے والد محمد خان کے انتقال پر اظہار تعزیت کیا ہے ، ڈی جی آئی ایس پی آر کے ٹوئٹرپیغام کے مطابق آرمی چیف نے اپنے تعزیتی پیغام میں مرحوم کے لیے دعائے مغفرت کرتے ہوئے کہا، مرحوم سے وعدے کے مطابق ان کے اہل خانہ کو انصاف کی فراہمی کی کوششیں جاری رکھی جائیں گی۔