کراچی (اسٹاف رپورٹر)عیسیٰ لیبارٹریز کے اشتراک سے بلوچ محمدن فٹ بال کلب ڈسٹرکٹ سائوتھ کے زیر اہتمام KMCفٹ بال اسٹیڈیم پر “پہلا عیسیٰ لیب کپ ڈیپارٹمنٹل فٹ بال ٹورنامنٹ 2019ء میں دنگل جاری ،شاندار مقابلوں کے بعد سندھ پولیس کی ٹیم نے مد مقابل واٹر اینڈ سیوریج ٹیم کو 2کے مقابلے میں 3گول سے جبکہ سندھ گورنمنٹ پریس کی ٹیم نے مد مقابل کراچی ریلوے کو یکطرفہ مقابلے کے بعد صفر کے مقابلے میں 7گول سے پچھاڑ کر سیمی فائنل کے لئے کوالیفائی کرلیا ۔ بلوچ محمڈن فٹبال کلب ڈسٹرکٹ فٹ بال ایسوسی ایشن سائوتھ کے زیراہتمام پاکستان فٹبال فیڈریشن کی نارملائزیشن کمیٹی کی اجازت اور عیسیٰ لیبارٹریز کے تعاون سے پہلے عیسیٰ لیب ڈیپا رٹمنٹل فٹبال ٹورنامنٹ کے دوسرے کوارٹر فائنل مقابلے میں سندھ پولیس نے کراچی واٹر بورڈ کو3-2سے قابو کرکے سیمی فائنل کا ٹکٹ کٹوالیا۔سندھ پولیس کی جانب سے عبدالوحید، عبدالعزیز اور علی خان،ناکام سائیڈ کراچی واٹر بورڈ کی طرف سے پرویز اور ظفر نے گول اسکور کئے۔ میچ کے پہلے ہاف میں4 اور دوسرے ہاف میں ایک گول اسکور کیا۔کھیل کے دوسرے ہاف میں دونوں ٹیموں نے شاندار کھیل سے شائقین فٹبال سے زبردست داد وصول کی۔سندھ پولیس کی جانب سے میچ کا فیصلہ کن گول کھیل کے48 ویں منٹ میں علی خان نے بناکر اپنی ٹیم کو میچ میں3-2 کی سبقت دلوادی۔ کراچی واٹر بورڈ کی ٹیم میچ کے اختتام تک گول برابر کرنے میں کامیاب نہیں ہوسکی۔ اس طرح سندھ پولیس نے شاندار کھیل کی بدولت سیمی فائنل میں جگہ بنا ئی ۔ تیسرے کوارٹر فائنل میں سندھ گورنمنٹ پریس نے شاندار اور جارحانہ کھیل کا مظاہرہ کرتے ہوئے مد مقابل کراچی ریلوے کو آئوٹ کلاس کرتے ہوئے صفر کے مقابلے میں 7گول سے فتح حاصل کرکے سیمی فائنل میں جگہ بنا لی کھیل کے آغاز سے ہی سندھ گورنمنٹ پریس ٹیم کے فارورڈ نے کراچی ریلوے کے گول پر تابڑ توڑ حملے شروع کردیئے اسٹرائیکر آزاد نے مسلسل 2گول پہلے ہاف کے 7ویں اور11ویںمنٹ میں بنا کر اپنی ٹیم کو میچ میں 2-0کی سبقت دلا ئی جبکہ کراچی ریلوے کی ٹیم پہلے ہاف میں ایک دو اچھے مووز بنا نے کے باوجود اُن کے فارورڈ گول کرنے میں ناکام رہے وقفے میں مہمان خصوصی انٹر نیشنل فٹ بالر اعجاز کارا کا دونوں ٹیموں سے تعارف کرایا گیا اس موقع پر سندھ فٹ بال ایسوسی ایشن کے سیکریٹری رحیم بخش بلوچ ،محمد قاسم ،نیشنل بینک کے محمد سلیم سماء ،رضا خان ،اخلاق احمد ،ابراہیم گلاب، نور احمد نورا اور دیگر موجود تھے ،کھیل کے دوسرے ہاف میں سندھ گورنمنٹ پریس نے کراچی ریلوے پر 5 گول داغ کر مقابلہ صفر کے مقابلے میں 7گول کرکے سیمی فائنل کا ٹکٹ کنفرم کرالی کھیل کے 59ویں منٹ میں علی خان نے تیسرا ،اُسامہ نے 64ویں منٹ میں چوتھا رضوان نے 7ویں منٹ میں 5واں 74ویں منٹ میں جنید نے چھٹا اور 83ویںمنٹ میں سمیر نے ساتواں گول اسکور کیا کھیلے گئے میچوں میں ریفریز کے فرائض نیشنل فٹ بال ریفری رضوان خان،فضل حسین ،اسسٹنٹ ریفریز حیدر علی تھے۔
کراچی : عیسیٰ لیب فٹببال ٹورنامنٹ میں فاتح ٹیم سندھ پولیس کا گروپ فوٹو