کراچی (اسٹاف رپورٹر)کراچی کے معین اکیڈمی کے سبزہ زار پر سندھ کے پارلیمینٹرین اورمعین خان اکیڈمی کے درمیان ایک دوستانہ میچ کھیلاگیاجس میں وفاقی وزیر علی زیدی پارلیمنیٹرین ٹیم کے کپتان تھے۔اس موقع پر گورنر سندھ عمران اسماعیل مہمان خصوصی تھے۔ تفصیلات کے مطابق معین خان اکیڈمی میں سندھ کے پارلیمینٹرین اورمعین خان اکیڈمی کی ٹیم کے درمیان ایک دوستانہ کرکٹ میچ کھیلاگیا۔پارلیمینٹرین ٹیم کے کپتان پاکستان تحریک انصاف کے رکن قومی اسمبلی وفاقی وزیرپورٹ وشپنگ علی زیدی تھے۔ اس دوستانہ ٹی ٹوئنٹی میچ میں معین خان اکیڈمی نے مقررہ اوورز میں 178رنز کا مجموعہ اسکور بورڈ پر سجایا۔ جواب میں پارلیمینٹرین ٹیم نے مقررہ اورزمیں 155رنز بناسکی۔ ملک شہزاد اعوان کی شاندار کارکردگی بھی ٹیم کو فتح دلانے میں ناکام رہی۔ آخر میں گورنرسندھ عمران اسماعیل نے دونوں ٹیموں کے کھلاڑیوں میں انعامات تقسیم کیے۔
