رینجرز کے علاوہ پولیس کی ڈھائی ہزار نفری اسٹیڈیم کے اندر اور باہر سیکورٹی کے فرائض انجام دے گی
دو سو خواتین اہلکار بھی ڈیوٹی پر مامور ہوں گی، پی ایس ایل طرز پر سیکورٹی پلان بنایا گیا ہے
کراچی (کرائم رپورٹر) سری لنکا کرکٹ ٹیم کا دورہ پاکستان،کراچی ٹیسٹ میچ کا سیکورٹی پلان مکمل، رینجرز کے علاوہ پولیس کی ڈھائی ہزار نفری تعینات ہوگی،اسٹیڈیم کے اندررینجرز اور باہر پولیس سیکیورٹی فرائض انجام دے گی۔ تفصیلات کے مطابق کمشنر کراچی، ڈی آئی جی ایسٹ،ایس ایس پی ایسٹ،ڈی آئی جی ٹریفک اور رینجرز حکام کا سیکورٹی پر اجلاس،ٹیسٹ میچ کے لئے ڈھائی ہزار پولیس نفری تعینات کی جائے گی،2 سو سے زائد خواتین اہلکار بھی سیکورٹی پر معمور ہونگی،میچ کے لئے پی ایس ایل طرز پر سیکورٹی پلان مرتب کیا گیا ہے،شائقین کرکٹ کو شٹل سروس کے ذریعے اسٹڈیم پہنچایا جائے گا،میچ سے 2 روز قبل فل ڈریس ریہرسل کی جائے گی۔