کراچی (اسٹاف رپورٹر) سندھ ہائی کورٹ نے پاکستان میڈیکل اینڈ ڈینٹل کونسل کو تحلیل کرنے کے خلاف ملازمین کی دائر درخواست پر وفاقی حکومت اور اٹارنی جنرل کو جواب جمع کرانے کا حکم دیا ہے۔ وفاقی حکومت کی جانب سے جواب داخل نہ کرانے پر عدالت نے برہمی کا اظہار کیا، عدالت نے ریمارکس دیے کہ بتا دیں کہ کیا اپنے بنائے گئے قانون کا تحفظ نہیں کرنا، اہم معاملہ پر اسی لیے اٹارنی جنرل پاکستان سے جواب طلب کیا تھا۔