ملیر میں قائم غیر قانونی کارخانے میں مردہ جانوروں کی ہڈیوں کو جلا کر تیار ناقص کوکنگ آئل مقامی مارکیٹ میں سپلائی کیا جاتا تھا
جانوروں کی باقیات کو جلا کر ان سے چربی نکال کر صابن کی فیکٹریوں کو سپلائی کی جاتی تھی، کارخانہ آلودگی کا بھی سبب بن رہا تھا
کراچی( اسٹاف رپورٹر) ادارہ تحفظ ماحولیات سندھ( سیپا) نے ملیر میں مردہ جانوروں کی باقیات جلانے کا غیر قانونی کارخانہ سربمہر کردیا۔ کارروائی ڈپٹی ڈائریکٹر سیپا وارث علی گبول کی سربراہی میں کی گئی۔ ڈپٹی ڈائریکٹر سیپا وارث علی گبول نے بتایا کہ مذکورہ کارخانے میں مردہ جانوروں کو میں جلا کر مضر صحت کوکنگ آئل حاصل کیا جاتا تھا اور یہ ناقص کوکنگ آئل تیار کرکے مقامی مارکیٹ میں سپلائی کیا جاتا تھا۔ جانوروں کی باقیات کو جلا کر ان سے چربی نکال کر صارفین فیکٹری کو سپلائی کی جاتی تھی۔ غیر قانونی کارخانے پورٹ قاسم کے قریب قائم تھا‘ کارخانہ سے سیاہ بدبودار دھواں نکلتا تھا۔ دھوئیں سے ماحولیاتی آلودگی بڑھ رہی تھی۔