کراچی (کرائم رپورٹر)مسیحی سول سوسائٹی کی جانب سے جبری مذہب تبدیلی کے خلاف جمعہ کو کراچی پریس کلب کے سامنے احتجاجی مظاہرہ کیا گیا۔ مظاہرے کی قیادت جوائنٹ کرسچن ایکشن کمیٹی کے ممبر نوئیل اعجاز نے کی۔ مظاہرے سے خطاب کرتے ہوئے انہوں نے کہا کہ 13 14 سال کی نابالغ لڑکیوں کو شادی کا جہانسہ دے کر ان کا مذہب تبدیل کرایا جارہا ہے۔ گزشتہ دنوں ایک ٹیکسی ڈرائیور نے 14 سالہ ہمایونس کا مذہب تبدیل کرواکر اس سے شادی کرلی ہے پولیس اب تک انہیں ڈھونڈنے ناکام رہی ہے۔ انہوں نے وزیر اعلی سندھ مراد علی شاہ اور اعلی حکام سے اپیل کی ہے کہ جبری مذہب کی تبدیلی کے خلاف نوٹس لیا جائے۔