کراچی(اسٹاف رپورٹر) واٹر بورڈ پانی کی فراہمی میں بہتری کیلئے لانڈھی8000 فٹ روڈ مرتضیٰ چورنگی سے فیوچر کالونی تک ڈالی گئی‘ نئی لائن کو نظام فراہمی آب سے منسلک کرنے کے کام کا آغاز جمعرات19 دسمبر کو صبح9بجے کریگا جو جمعہ20 دسمبر کی صبح9بجے تک جاری رہے گا اس دوران مرتضیٰ چورنگی تا بلال کالونی پمپ ہائوس سے ملحقہ علاقوں‘ لانڈھی36بی‘ 36 جی‘کورنگی زمان ٹائون35‘ 35 سی ‘عوامی کالونی لانڈھی‘ بلاول کالونی‘ شرافی گوٹھ سمیت قریبی گوٹھوں مانسہرہ کالونی وملحقہ علاقوں میں پانی کی فراہمی معطل رہے گی۔ واٹر بورڈ ان علاقوں کے مکینوں کو جلد از جلد پانی کی فراہمی بحال کرنے کیلئے ڈالی گئی نئی لائن کو نظام فراہمی آب سے منسلک کرنے کا کام مقررہ وقت سے قبل مکمل کرنے کی حتیٰ الامکان کوشش کریگا۔