کراچی(اسٹاف رپورٹر) شہر کی معروف شاہراہ ایم اے جناح روڈ کو گرومندر سے نمائش چورنگی تک ٹریفک کیلئے 20دسمبر کو کھول دیا جائے گا۔کراچی ٹریفک پولیس کے ذرائع کے مطابق دونوں ٹریک کھلنے سے نواب بہادر یارجنگ روڈ اور کوریڈور تھری پر ٹریفک کا دباؤ کسی حد تک کم ہوجائے گا،سڑک کھلنے کے بعد شہری نمائش چورنگی سے شاہراہ قائدین اور سولجر بازار سے اپنی منزل تک جا سکیں گے۔ واضح رہے کہ ایم اے جناح روڈ پر گرین لائن بس کیلئے انڈر پاس تعمیر کیا جا رہا ہے جس کے باعث دونوں اطراف کے ٹریک بند کیے گئے تھے ، منصوبے کے بقیہ حصے کو مکمل کرنے کی ڈیڈ لائن مئی 2020 ہے۔