بدین (نمائندہ جسارت) پولیس کی بڑی کارروائی، 2 من سے زائد خالص چرس برآمد، 4 ملزمان گرفتار، آیف آئی آر درج کرلی گئی۔ ایس ایس پی بدین حسن سردار نیازی کی ہدایات پر ضلع بھر میں منشیات فروشوں کیخلاف کارروائیوں کا سلسلہ جاری ہے۔ گزشتہ روز ایس ایچ او بدین محمد انور لغاری، انچارج سی آر او بدین ASI گل حسن لغاری، سب انسپکٹر محمد خان کلوئی، عبدالخالق جروار اور دیگر اہلکاروں پر مشتمل ٹیم نے خفیہ اطلاع ملنے پر بدین حیدرآباد مین روڈ پر واقع پولیس چیک پوسٹ کے مقام پر کامیاب کارروائی کر کے حیدر آباد سے بدین کی جانب آنے والی مزدا کو روک کر تلاشی لی تو مزدا کے اندر چھپائی کی گئی 87 کلو گرام خالص برآمد کرلی گئی۔ پولیس نے کارروائی کے دوران 4 ملزمان نذیر ولد حاکم علی شاہ سکنہ رتو ڈیرو ضلع لاڑکانہ، علی اکبر ولد محمد ملاح، غلام مرتضیٰ ولد علی اکبر ملاح، شوکت علی ولد محمد یوسف شیخ کو بھی گرفتار کرلیا۔ پولیس نے گرفتار ملزمان کیخلاف بدین تھانے پر نارکوٹکس ایکٹ کے تحت مقدمہ درج کر کے مزید تفتیش شروع کردی ہے۔