بھارتی پولیس نے مسلم مخالف متنازع شہریت بل کے خلاف صدائے احتجاج بلند کرنے کی پاداش میں اداکارہ کو گرفتار کر کے جیل بھیج دیا۔
بھارتی میڈیا کے مطابق فلم سازمیرا نائر نے ٹوئٹر پر لکھا کہ لکھنؤ میں احتجاج کے دوران اداکارہ صدف جعفرکو گرفتار کرکے ان پر تشدد کیا گیا اور پھر جیل منتقل کردیا گیا۔
فلم ساز نے مودی سرکار کی پالیسیوں کو نشانہ بناتے ہوئے کہا کہ یہ کیسا بھارت ہے جس میں پرامن احتجاج پر اداکارہ کو گرفتار کرلیا گیا، سب سے اپیل ہے کہ وہ اداکارہ کی گرفتاری کے مطالبے پر اکٹھے ہو جائیں۔
صدف جعفر کی بہن ناہید ورما نے پولیس کے الزامات کی تردید کرتے ہوئے کہا ہے کہ صدف نہتی تھی اور مظاہرے میں نعرے بازی کررہی تھی اور قانون کے تحت پرامن احتجاج کرنا ہر شہری کا حق ہے۔