میلبورن (جسارت نیوز) آسٹریلوی کرکٹ ٹیم کے مایہ ناز فاسٹ بولر مچل اسٹارک نے کہا ہے کہ وہ کیویز کے خلاف باکسنگ ڈے ٹیسٹ میچ میں بھی اپنی عمدہ کارکردگی کی بدولت ٹیم کی فتح میں اہم کردار ادا کریں گے۔ اپنے ایک بیان میں انہوں نے کہا کہ وہ مکمل طور پر فٹ اور بھرپور فارم میں ہیں اور اپنی ٹیم کو نیوزی لینڈ کے خلاف ٹیسٹ سیریز میں فتوحات دلانے کے لئے پرعزم ہیں۔ آسٹریلیا اور نیوزی لینڈ کی کرکٹ ٹیموں کے درمیان باکسنگ ڈے ٹیسٹ میچ کل سے میلبورن میں شروع ہوگا۔ آسٹریلوی ٹیم کو کیویز کے خلاف تین ٹیسٹ میچز کی سیریز میں 1-0 کی برتری حاصل ہے، میزبان ٹیم نے نیوزی لینڈ کی ٹیم کو پہلے پنک بال ڈے اینڈ نائٹ ٹیسٹ میچ میں 296 رنز سے شکست دی تھی۔
